Fagartikkel
Bandsag
Ei bandsag er bygd opp av to hjul som står over kvarandre. Sagbladet er eit tynt band som går rundt i stor fart ved hjelp av ein el-motor. Mellom hjula er det eit arbeidsbord som bladet passerer gjennom. Når bladet er smalt, gir det høve til å skjere langs ei krum linje.
Bilete: Steinar Myhr / CC BY-NC 4.0
Det er viktig at du justerer høgda for vern av bladet ut frå tjukkleiken på materialet. Bruk høyrselvern og briller.
Video: NRK / CC BY-SA 4.0
Bilete: Kai Henning Andersen / CC BY-SA 4.0
Bladet på bandsaga skal rotere så fritt som mogleg. Unngå trykk frå sida eller vridingar, for dette kan skade sagbladet. Det du skal skjere, må ligge støtt, slik at treverket ikkje vippar. Ver forsiktig dersom du må trekkje treemnet tilbake. Då må du passe på at sagbladet ikkje følgjer med og sporar av hjula.