I Noreg gjer veksthusa det mogleg å produsere tomatar i januar og få julestjerna i blomster til jul. Dette emnet handlar om korleis du skal drifte eit veksthus, og korleis vi produserer tomat, agurk og sommarblomstrar. Produksjon av prydplanter i potte eller til snitt har òg fått plass i emnet.

Mykje av veksthusarealet i Noreg blir brukt til tomatdyrking. Å dyrke tomat er arbeidskrevjande. Du må gjere både pinsering, nedfiring, avblading og hausting gjennom heile kulturen. Samtidig må du passe på at plantene får nok næring, og at du har sjukdommar og skadedyr under kontroll.