Storfe er samlenemninga for kyr, oksar, kviger og kalvar. Det er mange ulike storferasar i verda. I Noreg er det flest av rasen NRF (norsk raudt fe), men vi har òg mange andre storferasar.

Ei mjølkeku er ei ku som har fått den første kalven sin og har begynt å produsere mjølk. Fôrbehovet til kyrne varierer mykje gjennom laktasjonen, og det er knytt til alder, kroppsstorleik og mjølkemengde. Både fôrmengda og kvaliteten på fôret har mykje å seie for trivselen og velferda til kyrne.