Norsk griseproduksjon har strenge reglar for dyrevelferd, avlsarbeid, rett fôring og stell. Med fokus på velferda og helsa til dyra får du friske og sunne dyr, det er ein føresetnad for eit godt driftsresultat. Her har vi samla det viktigaste fagstoffet om gris og griseproduksjon i norsk landbruk.

Smågris treng god oppfølging dei første dagane og vekene etter fødselen. Det er viktig å vere til stades under grisinga, sånn at du kan ta grep viss fødselen stoppar opp eller viss grisungane treng hjelp til å finne juret. Dei treng mykje varme, og du må hjelpe dei å finne vegen til smågrishjørnet.