Klassen blir delt inn i grupper på 3–4 personar. Elevane gjentek oppgåvene på kvar stasjon til dei føler at dei meistrar dei.
- ryddeteknikk
- bereteknikk
- engelsk servering
- bering av glas på brett
Stasjon 1: ryddeteknikk
Her skal du som servitør rydde av bord i ein restaurant. Rydd av minimum fire tallerkenar med bestikk og matrestar. Her kan elevane vere gjester for kvarandre. Det er viktig å rydde frå gjesten si høgre side og bruke rett teknikk.
Stasjon 2: bereteknikk
Ber tre suppetallerkenar fylt med litt vatn. Løft dei frå bordet, og gå ein runde rundt i lokalet. Deretter set du dei ned på bordet att. Hugs å servere og rydde av frå gjesten si høgre side.
Stasjon 3: engelsk servering
På denne stasjonen skal du trene på å bruke gripebestikk. Bruk for eksempel ein appelsin eller eit eple delt i skiver, som du legg på eit serveringsfat. Server deretter eple/appelsin til gjesten.
Stasjon 4: bering av glas på brett
Det blir sett ut ulike glas på eit bord. Du skal løfte opp og plassere glasa på brettet. Deretter skal du gå ein runde i lokalet, og så setje brettet ned på bordet att.
