Å foredle råvarene på ein god måte er viktig både for å framheve smaken, auke haldbarheita og jobbe på ein berekraftig god måte. Best mogleg tillaging og produksjon i alle ledd er viktig for god økonomi i bedrifta du skal jobbe i.

Noreg har lange tradisjonar med å slakte og tilarbeide kjøtt frå råvare til produkt. Av kjøtt får vi fleire viktige næringsstoff som kroppen treng.

Frå gammalt av måtte ein finne måtar å bevare ferskt kjøtt over lengre tid, slik at det heldt seg godt til seinare bruk. Konserveringsmetodar som før var ei nødvendigheit, gir oss no ettertrakta delikatesser.