For å bli flink til å marknadsføre og selje produkt må du kunne noko om forbrukaråtferd. Denne kunnskapen må du nytte når du utarbeider marknadsføringsstrategiar, marknadsplanar og marknadsføringskampanjar. Vidare må du kjenne til regelverk for sal og marknadsføring.

Ein marknadsføringsstrategi er ein plan for korleis du, som bedrift, skal nå marknadsmåla dine. Dette inneber mellom anna spørsmål som kven du skal vere som bedrift, kva marknader skal du velje, og kva verkemiddel du skal nytte for å lykkast i dei ulike marknadene.