Kort om preteritum i tysk
I tysk bruker vi preteritum særleg i skrift, medan presens perfektum er mest vanleg i munnleg tysk.
Tabellen nedanfor manglar rader for 2. person eintal (du) og 2. person fleirtal (de/ihr). Desse preteritumsformene har vi sjeldan bruk for. Du- og de-forma treng vi særleg vi når vi snakkar til andre, og i munnlege situasjonar føretrekker tyskarane presens perfektum.
hören | spielen | schreiben | finden | |
|---|---|---|---|---|
ich | hörte | spielte | schrieb | fand |
er, sie, es | hörte | spielte | schrieb | fand |
wir | hörten | spielten | schrieben | fanden |
sie, Sie | hörten | spielten | schrieben | fanden |
Hören og spielen er to døme på regelrette (svake) verb, medan schreiben og finden er to døme på uregelrette (sterke) verb.
Regelrette verb dannar preteritum ved å hekte ein t og ei personending på verbstammen: Hör-t-e, spiel-t-en osv.
Uregelrette verb får ikkje lagt til -t: Ich schrieb. Ich fand.
Uregelrette verb skiftar stammevokal: ich finde – ich fand.
Uregelrette verb har inga personending i første og tredje person eintal preteritum: ich schrieb, er fand, ich half, sie gab.
Elles har også uregelrette verb personending: wir schrieben, sie fanden osv.
Øving 1: Samanlikn norsk og tysk
Lag preteritumsform av verba høyre, spele, skrive og finne på norsk. Beskriv likskapane mellom norsk og tysk.
Forslag til svar
- høyrde, spelte/spela, skreiv, fann
- Høyre og spele er regelrette/svake verb også i norsk
- Skrive og finne er uregelrette/sterke verb også i norsk.
- Uregelrette verb har vokalskifte også i norsk.
- Uregelrette verb i norsk har inga personending i preteritum.
- Uregelrette verb i tysk har inga personending i første og tredje person eintal, men elles har dei personending (bøying).
Øving 2: Regelrette verb
Uregelrette verb
- Før du går vidare, kan det vere lurt å sjå gjennom lista over uregelrette verb som er brukte i øvingane 3–6.
- Dei fleste av desse verba er høgfrekvente. Det betyr at dei er veldig vanlege og at du har bruk for dei ofte.
- Nokre uregelrette verb har vokalskifte også i presens. Ved desse verba er 3. person eintal presens oppgitt i parentes
Oversikt over preteritumsformer av sterke verb
- beginnen – begann
- begynne
- bekommen – bekam
- få, motta
- finden – fand
- finne
- geben (– gibt) – gab
- gi
- gewinnen – gewann
- vinne
- heißen – hieß
- heite
- helfen (– hilft) – half
- hjelpe
- kommen – kam
- komme
- laufen (– läuft) – lief
- løpe; om filmar: gå på tv eller kino
- schreiben – schrieb
- skrive
- sein (– ist) – war
- vere
- singen – sang
- synge
- sprechen (– spricht) – sprach
- snakke
- sterben (– stirbt) – starb
- døy
- verschlingen – verschlang
- sluke
- werden (– wird) – wurde
- bli til noko
- ziehen – zog
- dra, trekke; flytte
Øving 3: Uregelrette verb
Øving 4: Frå presens til preteritum
Hjelpeverb
Preteritumsformene av tidshjelpeverb og modale hjelpeverb bruker ein mykje, både munnleg og skriftleg.
haben | sein | werden | müssen | können | wollen | |
|---|---|---|---|---|---|---|
ich | hatte | war | wurde | konnte | musste | wollte |
er, sie, es | hatte | war | wurde | konnte | musste | wollte |
wir | hatten | waren | wurden | konnten | mussten | wollten |
sie, Sie | hatten | waren | wurden | konnten | mussten | wollten |
Øving 5: Preteritum av hjelpeverb
Vel rett verbform. Tips: Les eksempelsetningane høgt! Då få du både noko repetisjon og munnleg trening i tillegg til grammatikktrening.