Forsøk: Eigenskapar til hydrogenperoksid

Opne bilete i eit nytt vindauge

CC BY-NC

Bilete: Gorm Kallestad

De skal bli betre kjende med eigenskapane til hydrogenperoksid.

Bruk sikkerheitsdatabladet til hydrogenperoksid og lag ei risikovurdering av stoffet.

1. Bruk eit molekylbyggjesett til å byggje ein modell av hydrogenperoksidmolekylet.
2. Dryp nokre dropar hydrogenperoksid på eit stykke farga tøy. Kva observerer de?
3. Dryp nokre dropar hydrogenperoksid på ei potetskive. Kva observerer de? Forsøk å forklare det de observerer, med utgangspunkt i dei atomtypane hydrogenperoksid er bygd opp av.

1. Ta nokre hårstrå frå hovudet ditt, og legg dei i ein petriskål.
2. Tilset nokre dropar $H_2{O}_2$. Observer.
3. Studer hårstrået i eit mikroskop. Observer hårstrået før og etter de tilset $H_2{O}_2$. Beskriv eventuelle endringar, og ta bilete gjennom okularet.
4. Set saman før- og etter-bileta:

   Set saman før- og etter-bileta med Juxtapose.

Planlegg eit forsøk der de undersøkjer kva stoff og materiale som blir bleikte av hydrogenperoksid.

Forslag til stoff de kan teste:

• tekstilar
• plast
• hår
• papir

Forslag til faktorar de kan undersøkje:

• Har mengda $H_2{O}_2$ nokon å seie for bleikinga?
• Har konsentrasjonen til $H_2{O}_2$ noko å seie for bleikinga?
• Er bleiking ein reversibel prosess?

Arbeidstilsynet. (u.å.). Kjemikalier. Henta 24. mars 2020 frå https://www.arbeidstilsynet.no/tema/kjemikalier/

NHO. Risikovurdering av kjemikalier. Henta 9. mars 2020 frå https://arbinn.nho.no/hms/fysisk--kjemisk-arbeidsmiljo/kjemisk-og-biologisk-eksponering2/artikler/risikovurdering-av-kjemikalier/