Hopp til innhald
Forsøk

Demoforsøk: Elefanttannkrem

Lag ei imponerande skumsøyle når hydrogenperoksid og kaliumjodid reagerer i ei såpeblanding.
Fire elevar med lærar i bakgrunnen gjennomfører kjemisk eksperiment med grøn væske på naturfagslab. Dei har på seg laboratoriefrakkar og vernesbriller, og eleven som blandar væsker, har på seg eingongshanskar. Foto.
Bilete: Thomas Brun / Avgrensa bruksrett

Utstyr

Liten skala

Stor skala

  • 50 ml 35 % hydrogenperoksid, H2O2
  • 45 g kaliumjodid, KI
  • 30 mL vatn
  • Zalo
  • målekolbe, 250 mL
  • begerglas, 100 mL
  • kokeplate eller gassbrennar

Framgangsmåte

Utstyr som ein treng for å lage elefanttannkrem. Illustrasjon.
Oppsett for å lage elefanttannkrem. Bilete: Thomas Bedin / CC BY-SA 4.0
  1. Start med å måle ut kaliumjodid i begerglaset.
  2. Tilset vatn, og varm opp begerglaset mens du rører i væska for å løyse opp kaliumjodid.
  3. Mål ut hydrogenperoksid i erlenmeyerkolben/målekolben. Volum
    treng ikkje vere nøyaktig. Ein hugseregel kan vere å fylle opp til slutten på avrundinga nedst på erlenmeyerkolben.
  4. Tilset litt Zalo i kolben (ca. halvparten så mykje som hydrogenperoksid).
  5. Viss ein vil, kan ein tilsetje konditorfarge i tillegg. Når ein skal gjere demonstrasjonen, er det viktig å helle i kaliumjodiden så raskt som mogleg, og fjerne begerglaset så raskt som mogleg, slik at det ikkje står i vegen for skumsøyla som blir laga.
  6. Restar kan tømmast ut i vasken og skyljast ned med vatn.

Fantastisk fin demonstrasjon av gassutvikling. Kan gjerast i ein stor balje eller vask, men må gjerast utandørs viss han gjerast i stor skala. Avpass mengda og konsentrasjonen på kjemikaliane til forholda.

Når ein gjer demonstrasjonen, er det viktig å bruke briller og frakk. Skummet som blir laga, set farge på klede.