Fagartikkel
Sikkerheitsrådgivar
ADR-boka stiller i kapittel 1.3 krav om at alt personell som arbeider med farleg gods, skal ha ADR-opplæring tilpassa sitt område. Denne opplæringa skal dokumenterast, men det er ikkje krav om ADR-kompetansebevis.
Fylling av flytande gods på tankbil. Bilete: Bjørn Berg / CC BY-NC 4.0
All verksemd som klassifiserer, pakkar, fyller, lastar, sender, får til transport, transporterer eller på annan måte kjem i kontakt med transport av farleg gods, skal sørgje for at det blir peikt ut minst éin sikkerheitsrådgivar. Sjå særleg 1.8.3 i del 1 og § 10 i norsk forskrift.
Ei liste over godkjende kursarrangørar for sikkerheitsrådgivarar kan du få ved å vende deg til Stiftelsen Norsk brannvernforening, som òg er eksamensadministrator. Kursa varer normalt i ei til to veker. Eksamen blir avlagd ulike stader i landet.
Heile ADR-boka er pensum for sikkerheitsrådgivarar. Dei skal òg ha inngåande kjennskap til forskrift om systematisk helse-, miljø- og sikkerhetsarbeid i virksomheter (internkontrollforskrifta).