Regelverk for import av varer

Opne bilete i eit nytt vindauge

CC BY-NC

Bilete: Jon Hauge

Skatt på importerte varer blir kalla for innførselstoll.

Tollsatsane varierer, men for dei fleste klede er tollsatsen 10,7 prosent (2020). Du finn oppdaterte tollsatsar på Toll.no.

I tillegg til ein tollsats må vi betale eit fortollingsgebyr når vi importerer varer frå utlandet. Fraktselskapet utfører som regel fortollingsjobben, og tek seg betalt i form av eit fortollingsgebyr.

På varer som blir importerte til Noreg, må vi òg betale 25 prosent meirverdiavgift (15 prosent for næringsmiddel). Toll og eventuelle særavgifter skal òg vere med i grunnlaget for meirverdiavgift.

På nokre varer må vi òg betale særavgifter ved import. Døme på varer som har særavgifter, er alkohol, sjokolade- og sukkervarer, sukker, tobakksvarer og køyretøy.

For nokre varer gjeld spesielle importreglar. I tabellen nedanfor ser du kva varer dette gjeld, og kva etatar som forvaltar regelverket. Du kan lese meir om regelverket for dei ulike varegruppene på sidene som det er lenker til.