Oppgåve
Kva betyr kommunikasjon?
Ordet kommunikasjon kjem av det latinske ordet communicare, som tyder "å gjere felles". Vi kan seie at kommunikasjon er det som gjer det mogleg for oss å dele tankar, kjensler og meiningar med kvarandre, det bind menneske saman.
Bilete: Cordula Kropke / CC BY-NC-ND 4.0
Kunnskap om og ferdigheiter i kommunikasjon er viktig for alle som skal arbeide med menneske.
Oppgåver
Kommunikasjon handlar om ulike tema: Kommunikasjonsprosessen, soner for nærleik, roller, sosial kompetanse, grupper, rettleiing og konflikthandtering.
- Lag eit tankekart for kvart av temaa. Kva har du lært om desse temaa på ungdomsskulen?
Ta fram tankekarta når du er ferdig med å jobbe med temaa. Kva har du lært? - Kva for kompetansemål i læreplanen din seier at du skal lære noko om dette fagstoffet?
- Diskuter og lag ein plan for korleis du vil jobbe med desse temaa. Du kan lage ein plan saman med klassen, eller ein eigen plan for deg sjølv.
- Lag ein tekst eller eit rollespel ut frå eitt eller fleire av temaa.
Fremmedordboka. Kommuniksjon. Henta 19. mars 2020 frå https://fremmedord.org/hva-betyr/kommunikasjon/.