Digital valkamp på sosiale medium

Opne bilete i eit nytt vindauge

CC BY-NC

Bilete: Maskot, NTB

Hensikta med politisk reklame er å påverke haldningar til politiske spørsmål. Kommunikasjonsstrategiar i sosiale medium har vorte ein viktig del av den politiske valkampen i dag. Gjennom personretta og skreddarsydd politisk reklame på sosiale plattformer har politikarane ei unik mogelegheit til å påverke deg og andre førstegongsveljarar.

Jobb i grupper og set dykk inn i eit tildelt eller eit sjølvvalt parti. Undersøk og diskuter følgande: Korleis fører partiet valkamp på sosiale medium?

1. Individuell førebuing til gruppearbeid

a) Set deg inn i kva partiet står for.

• Les fagartikkelen "Kva står dei politiske partia for?" og noter deg kva partiet som gruppa di skal undersøke, er oppteke av.

• Søk og leit i sosiale medium og finn døme på politisk reklame frå partiet gruppa di skal jobbe med.

b) Noter svar på spørsmåla for kvart av døma du jobbar med:

• I kva sosiale mediekanalar finn du den politiske reklamen?

• Kva er bodskapen i den politiske reklamen?

• Vurder korleis bodskapen heng saman med det partiet står for.

• Kva er dei viktigaste verkemidla som blir brukte?

• Kven tenker du er målgruppa for reklamen?

2. Arbeid i gruppa

a) Presenter eit eller to døme kvar.

Vel eit eller to døme du presenterer til gruppa di med vekt på

• kanal

• bodskap og samanheng til partiprogrammet

• verkemiddel

• målgruppe

b) Samanlikn døma de har funne.

• Kva er likskapar og forskjellar?

• Kvifor får de ulik politisk reklame?

• Kva vil partiet overtyde dykk om?

• Korleis vil de samanfatte partiet sin politiske valkamp i sosiale medium?

• Diskuter: I kva grad blir de påverka av politisk reklame?

c) Førebu presentasjon til klassen: Kva kjenneteiknar den politiske valkampen til partiet i sosiale medium?

Opne bilete i eit nytt vindauge

CC BY-NC

Bilete: John Holcroft

• Vel eit eller to døme de presenterer i gruppa.

• Samanfatt kva som kjenneteiknar valkampen til partiet i ulike sosiale mediekanalar.

• Kva verkemiddel blir brukte?

• Kva bodskapar treffer førstegongsveljarar best, tenker de?

3. Presentasjon og diskusjon i klassen

a) Presenter den politiske reklamen til partiet i sosiale medium.

• Kvar gruppe held presentasjonen sin.

b) Diskuter spørsmåla, først i gruppa, så i klassen.

• Kva politiske reklamar fungerer best?

• Kva trur de påverkar førstegongsveljarane mest? Grunngi svaret.

• Diskuter påstanden: Valkampen på sosiale medium fører til eit auka fokus på politikarane som personar, og politiske saker får mindre merksemd.

• Pek på positive og negative sider ved politisk reklame i sosiale medium.