Mediepolitikk er politiske vedtak som regulerer folk sin tilgang til medieinnhald ved hjelp av lover, konsesjonar og økonomiske støttetiltak. Digitalisering av innhaldsproduksjon, distribusjon og konsum, bruk av kunstig intelligens og konkurranse frå utlandet påverkar medieutviklinga i Noreg.

Internasjonal mediepolitikk handlar om å regulere eigarskap og om lover som hindrar eller fremjar ytringsfridom og demokrati. Dei siste åra har mange autoritære statar redusert handlingsrommet for fri journalistikk og frie meiningsytringar.