Oppgåve 1 Godstransporttenester
Gå saman i grupper og drøft kva kvalitetar ei godstransportteneste bør oppfylle for at ein kunde skal bli nøgd. Kvar gruppe tek kontakt med ei bedrift for å undersøkje kva kvalitetar ei godstransportteneste bør oppfylle for at kundane skal bli nøgde. Finn deretter ut om det er fellestrekk mellom dei forskjellige bedriftene.
Oppgåve 2 Godstransport
Du har kjøpt ei vare frå ein butikk i Tromsø. Varen skal transporterast og leverast til di adresse i Drammen. Kva vil vere viktige kvalitetskrav for deg som transportkjøpar?
Oppgåve 3 Persontransport
Det er helg, og du har valt å bruke ekspressbuss som ditt transportmiddel heim. Du er student i Bergen, og du skal heim til Trondheim. Kva for kvalitetskrav vil vere viktige for deg som busspassasjer på ei slik reise som krev at du sit i bussen i mange timar?