Det er viktig å ha kunnskapar om menneskekroppen når du skal jobbe innan helse - og oppvekstsektoren. Det blir forventa at du som fagarbeidar har god kjennskap til både korleis kroppen er bygd opp, og om funksjonen til dei ulike organsystema.

Har du vore forelska? Kjent på hjartebank og klamme hender? Eller blitt slapp når det er lenge sidan du har ete? Hormonsystemet har medansvar for desse endringane i kroppen din. Hormon strøymar rundt i kroppen for å kontrollere og samordne funksjonar på ein effektiv og føremålstenleg måte.