Det er viktig å ha kunnskapar om menneskekroppen når du skal jobbe innan helse - og oppvekstsektoren. Det blir forventa at du som fagarbeidar har god kjennskap til både korleis kroppen er bygd opp, og om funksjonen til dei ulike organsystema.

Når du skal forklare korleis forplantinga hos menneske skjer, må du kjenne til oppbygginga til kroppen og funksjonen til forplantingsorgana. I dette emnet skal du gjere deg kjent med forplantingsorgana til kvinna og mannen. Hormonsystemet er forklart i eit eige emne.