Fagartikkel

Før, under og etter bruk

Sjølv om benksliparen er utstyrt med verneinnretningar, er det nokre ting du må hugse på å gjere før, under og etter bruk.

Bilete: Tom Knudsen / CC BY-SA 4.0

Før bruk av benksliparen

Før du bruker benksliparen, må du kontrollere at

nødstoppbrytaren fungerer
slipeskivene er godt festa og utan skadar
slipeskivene har rett dimensjon og er godkjende for det turtalet benksliparen roterer med
anlegget er rett justert, maksimum 2 mm frå slipeskiva
sprut- og verneskjermen er godt festa og rett justert
området du skal slipe i, er rydda for brennbart materiale
du bruker påkravd personleg verneutstyr

Under sliping

Under sliping er det viktig at du

bruker påkravd verneutstyr
alltid held arbeidsemnet slik at det ligg godt på anlegget
justerer sprut- og verneskjermen etter arbeidsemnet

Etter sliping

Etter at du har brukt benksliparen, er det viktig at du

ikkje forlèt benksliparen før slipeskivene har stansa
sjekkar at brennbart materiale ikkje har blitt treft av gneisteregnet.