I bussen

Opne bilete i eit nytt vindauge

CC BY-NC-SA

Bilete: Shutterstock, NTB scanpix

Når du har gruppa på plass i bussen, er det også mange tips å hente frå kollegaer med erfaring. Her er fleire gode råd frå Norges Guideforbund:

1. Ver alltid ute i god tid.
2. Frammøtetid kan variere frå oppdrag til oppdrag. Sjekk med oppdragsgivaren.
3. Set av tid til å konferere med sjåføren om program, køyrerute, tidsrammer, bussen ...
4. Guide og sjåfør utvekslar mobiltelefonnummer.
5. Avtal med sjåføren om kven som skal stå ved kva dør ved av- og påstiging.
6. Gjer deg kjend med mikrofonen før gruppa kjem.
7. Stå ved døra når gruppa kjem.
8. Sjekk at alle er på plass i bussen.
9. Presenter deg sjølv og sjåføren ved namn.
10. Informer om sikkerheitsrutinar – nødutgangar, sikkerheitsbelte og annan relevant informasjon.
11. Sit alltid i guidesetet med sikkerheitsbeltet på når bussen køyrer.
12. Stå minst mogleg i bussen, og berre når bussen står stille.
13. Dersom sjåføren er ukjend i området, vis veg og retning ved hjelp av handrørsler og ord (dersom sjåføren forstår språket du bruker).
14. Fortel om ting i tide – slik at alle får høve til å sjå.
15. Dei som sit heilt bak i bussen, skal få med seg like mykje som dei som sit framme.
16. Marker tydeleg: sei høgre og venstre, og bruk «rett fram» minst mogleg.
17. Identifiser det du snakkar om: sei «huset til venstre med den blå døra».
18. Lat bussen stoppe litt dersom sjåføren meiner det er mogleg.
19. Køyr sakte forbi om mogleg … igjen i samarbeid med sjåføren.
20. Fokuser på det de kan sjå frå bussen, men set ting i samanheng.
21. Snakk ikkje om det de har køyrt forbi.
22. Bestem deg på førehand om kva du vil seie noko om på turen.
23. Gjenta spørsmål – slik at alle får del i svaret.
24. Ta pausar der det er naturleg (hugs å skru av mikrofonen).
25. Vurder kor mykje du vil fortelje om besøksstaden i bussen før de kjem fram.