Prosedyrar og retningslinjer er viktige for å ta vare på fagleg forsvarlegheit og pasientsikkerheit i helse- og omsorgstenesta. Gode rutinar sikrar lik standard og kvalitet på arbeidet sjølv om oppgåvene blir utførte av ulike personar.

Mange brukarar av helse- og omsorgstenester treng hjelp til å administrere medisinane sine. Du må derfor ha kunnskap om verknader, biverknader og administrasjonsformer for dei vanlegaste legemidla. Du må òg ha god innsikt i regelverket og ansvaret til helsefagarbeidaren i legemiddelhandteringa.