Som barne- og ungdomsarbeidar kan du jobbe på mange ulike arbeidsplassar. I arbeidet ditt skal du kjenne til rettane og pliktene dine som arbeidstakar og drive systematisk HMS-arbeid. Du må ta vare på eigen kropp og helse, kunne praktisere god hygiene og gjennomføre smitteverntiltak.

Ergonomi handlar om samspelet mellom arbeidsmiljøet og mennesket. Det handlar om kva du kan gjere for å unngå belastingsskadar, og god ergonomi er ein viktig føresetnad for fysisk helse og glede.