Oppgåve
Film om biosikkerheit
Biosikkerheit er tiltak som hindrar introduksjon og spreiing av smittsame sjukdommar, framande artar og genmodifiserte organismar. I denne oppgåva skal du lage ein film om biosikkerheit.
Bilete: Grethe Ringdal / Avgrensa bruksrett
Tips: Før du planlegg filmen, er det lurt å lese artikkelen om biosikkerheit.
Lag ein film der du presenterer biosikkerheit i ei dyreavdeling. Dette kan vere ei av dyreavdelingane på skulen eller ein stad du er utplassert.
Finn ut:
Kva tiltak finst i dag?
Er det nokre tiltak du meiner kan tilførast eller forbetrast?
Du kan filme med mobilkamera og redigere i eit filmredigeringsprogram.
Eit alternativ til å filme er å ta bilete og setje desse inn i ein PowerPoint-presentasjon. Deretter kan du lage ei filmfil der du viser presentasjonen og les inn manus.