I filmen ser vi korleis tømmeret blir målt med automatmåling. Det er vanleg å måle sagtømmer på denne måten. Lengde og diameter blir målt automatisk med ei måleramme, mens den tilsette tømmermålaren angir kvalitet og borktjukn. Med denne metoden blir stokk for stokk vurdert.
Med andre målemetodar kan volumet av heile lasset på tømmerbilen bli målt mens tømmeret ligg på lastebilen. Desse metodane blir brukte på massevirke der vi vil vite tømmervolumet, og vi ikkje skal anslå kvaliteten på den enkelte stokken. Massevirke blir levert til industri som lagar til dømes trefiberplater eller papir.
Oppgåve 1. Kor mykje er eit lastebillass med tømmer verdt?
For å løyse oppgåva treng du aktuelle tømmerprisar. Spør ein lokal tømmerkjøpar eller bruk nettsida til Landbruksdirektoratet med statistikk over tømmerpris.
Ein tømmerbil med hengjar er lasta med 45 m3 sagtømmer. Kor mykje vil skogeigaren få betalt for dette lasset?
Kor mykje vil skogeigaren få betalt for tømmeret på bilen viss lasset består av massevirke?
Utrekningstips
Tømmerpris multipliserer du med volumet på 45 m3.
Oppgåve 2. Omgrep om tømmer og tømmermåling
Relatert innhald
Nettside hos m3n.no
Nettside hos landbruksdirektoratet.no