Naturressursar er grunnlaget for matproduksjon og næringsverksemd. I naturbruksnæringane treng vi kunnskap om dyr og biologien til plantar og om tolegrensene til naturen slik at vi kan drive berekraftig naturbruk. Dette emnet handlar om naturressursar, naturtypar, krinsløp og samanhengar i naturen.

Jord er alt lausmaterialet over fast fjell. Det øvste laget vert kalla jordsmonn. I dette emnet lærer du meir om korleis jord vert danna, og på kva måte dei ulike eigenskapane ved jorda påverkar planteveksten. Emnet handlar også om jordvern og kvifor vi må ta vare på matjorda.