Hopp til innhald
Nynorsk

Fag

Oppgåve
Interaktivt innhald

Oppgjer for varer og helsetenester

Når du jobbar i eit helseserviceyrke, må du kunne gi informasjon og rettleie pasientar og kundar om betaling for varer og helsetenester. I denne oppgåva skal du bli kjend med kostnader, refusjon for eigendelar og oppgjer.
Kvinne i uniform for helsepersonell snakkar med person på den andre sida av skranken. Foto.

1. Refusjon for eigendel

  1. Gå inn på nettsida til Helsenorge om frikort for helsetenester, og finn ut kva eigendelstaket er for helsetenester i år.

  2. Gå inn på nettsida til Helsenorge om kven som betaler tannlegerekninga di, og finn ut kva typar tannbehandlingar vaksne får dekt heilt eller delvis gjennom Helfo.

2. Finn pris

Som helseservicemedarbeidar kan du måtte informere pasientar og kundar om ulike prisar på forbruksmateriell. Gå inn på nettsida til eit apotek og finn stykkpris på desse varene:

  1. sjølvheftande kompress 6 x 7 cm

  2. kanyle 25Gx 5/8 0,50 x 16 mm

  3. sterile tupferar

  4. kompress Jelonet 10 x 40 cm

  5. sprøyte 1 ml

3. Case-oppgåver

Les artikkelen om kostnader for helsetenester før du gjer oppgåvene under.

På skadepoliklinikken

Du jobbar på skadepoliklinikken på eit sjukehus, og det kjem ein pasienten til deg i luka. Pasienten har oppsøkt sjukehuset etter ein skade og har vore på biletdiagnostikk for å ta røntgen. Deretter vart pasienten send til skadepoliklinikken for konsultasjon med lege. Pasienten er no ferdig med legekonsultasjonen. Hen betalte ein eigendel på 287 kroner for røntgenundersøkinga og kjem til deg for å betale 235 kr for legekonsultasjonen.

  1. Kva er totalprisen pasienten må betale?

  2. Kvifor trur de at pasientar betaler to eigendelar når dei oppsøker eit sjukehus? Diskuter med ein medelev.

2. Konsultasjon hos fastlegen

Ein pasient har vore hos konsultasjon hos fastlegen sin. Det vart utført følgande tenester:

  • legekonsultasjon: 179 kr

  • blodprøvar: 64 kr

  • sårskift: 117 kr

  • forbruksmateriell: 59 kr

  1. Kor mykje skal pasienten betale?

  2. Kor mykje skal pasienten betale dersom hen har frikort? Grunngi svaret ditt.

3. Influensavaksine på apoteket

Ein kunde kjem til apoteket for å få influensavaksine.

  1. Gå inn på nettsida til eit apotek og finn ut kva influensavaksinen kostar. Kor mykje må kunden betale?

  2. Kva kostar det for kundar med frikort?

4. Tannbehandling

Ein pasient har utført ei tannbehandling som kostar 1 200 kr.

  1. Kor mykje skal ein pasient som er 25 år, betale?

  2. Kor mykje skal ein pasient over 28 år betale?

  3. Kor mykje skal ein pasient som bur på institusjon, betale?

4. Sorter helsetenester

I den interaktive oppgåva under skal du plassere ulike helsetenester i rett kategori for eigendel. For kategorien "Pasienten betaler eigendel" reknar vi med at pasienten ikkje har nådd eigendelstaket. Ein tekstversjon av oppgåva er tilgjengeleg under.

Tekstversjon av oppgåva om helsetenester

Vurder dei 24 helsetenestene i lista under. For kvar teneste vurderer du kva for ein av dei følgande tre kategoriane for oppgjer og betaling som er korrekt:

  1. Pasienten betaler eigendel.

  2. Pasienten betaler alt sjølv.

  3. Blir dekt av folketrygda.

Her er lista med helsetenester:

  • operasjonar på dagkirurgisk avdeling ved offentlege sjukehus

  • tannhelsetenester til enkelte pasientgrupper

  • svangerskapskontroll

  • vaksinar (ikkje risikogruppe)

  • poliklinisk undersøking

  • helsehjelp til personar med allmennfarlege smittsame sjukdommar

  • legevakt

  • sårskift

  • legekonsultasjon

  • kvit resept

  • blå resept

  • helsetenester for soldatar i førstegongsteneste

  • medisinsk forbruksmateriell

  • bandasjeutstyr

  • helsetenester for barn og unge under 16 år

  • innlegging på privat helseinstitusjon

  • helseattestar

  • vaksinar (risikogruppe)

  • utstyr til spirometri

  • privat tannbehandling

  • helsetenester til personar med godkjend yrkesskade

  • akutt helsehjelp etter vald og seksuelle overgrep

  • innlegging på offentleg sjukehus

  • røntgenundersøkingar

Skrive av Therese Lindahl Carlsen og Kathrine Synnøve Karlsen.
Sist oppdatert 12.12.2025

ForrigeNeste