Bli kjend på skiftestova

Skiftestova er rommet der vi utfører praktiske prosedyrar og behandlingar på ein trygg og hygienisk måte. Her gjer vi alt frå sårstell og injeksjonar til vaksinasjon og enkel behandling etter legekonsultasjon. Bruk den interaktive skiftestova for å bli kjend med rommet.

Skiftestova

Du kan opne biletet av undersøkingsrommet i fullskjerm og bruke musepeikaren eller tastaturet for å navigere rundt. Klikk på dei ulike punkta for å gjere deg kjend før du gjer oppgåvene under.

Oppgåver

Kva oppgåver og behandlingar gjer vi vanlegvis på skiftestova?
Kvifor er det ekstra viktig at du følger gode hygienerutinar på skiftestova?
Kva tiltak kan du gjere for å førebygge smitte i dette rommet?
Kva bruker vi eit 24-timars blodtrykksapparat til?
Kva bruker vi ein hjartestartar til?