Oppgåve

Mehr über Heidi

Recherchiere im Internet und lerne mehr über Heidi!

To barn ligg og slappar av på ei blomstereng. Rundt dei beitar det geiter, og i bakgrunnen ser vi høge fjell. Foto. — Bilete: Norgesfilm AS, SF Studios / Avgrensa gjenbruk

1. Heidi auf Norwegisch

I 1958 sende Radioteatret (NRK) eit høyrespel om Heidi som seinare blei sendt fleire gonger. Vi tok ein prat med Ingrid Grasdalen Tveita, som hadde rolla som Heidi. Les intervjuet nedanfor, og gjennomfør deretter eit eige intervju med Ingrid.

Intervju med Ingrid Grasdalen Tveita, 22. februar 2024

NDLA: Du spelte rolla som Heidi på NRK. Korleis fekk du denne rolla?

Ingrid: Ja, det var i 1958, og eg var 10 år gammal. Han som var sjef på barneavdelinga i NRK, kom oppover i bygda der eg budde, Morgedal i Telemark. Fleire barn fekk prøvelese for han, og etter nokre rundar blei eg vald ut til å vere stemma til Heidi.

NDLA: Kvar blei innspelingane gjennomførte?

Ingrid: Eg og han som skulle lese stemma til Peter, kom frå same bygd. Vi tok toget inn til Oslo med far min og budde ti dagar på hotell. Vi måtte skrive oss høgtidleg inn på NRK Marienlyst og blei følgde inn i eit lydtett studio utan eit einaste vindauge. I studioet blei det brukt mange lydeffektar, til dømes lyden av geiter, vind og dører som smell. Det skulle låte mest mogleg som i verkelegheita.

NDLA: Korleis var det å spele inn høyrespelet?

Ingrid: Arbeidsdagen kunne begynne klokka åtte om morgonen og vare til klokka ni om kvelden. Då sa far min: "No får de stoppe. De kan ikkje øydelegge jentungen." Men eg syntest det var så gøy, så det gjorde meg ingenting. Resultatet av ti dagars arbeid blei eit høyrespel på to timar.

Det vi las, blei ofte spelt inn fleire gonger. Det kunne vere ord vi måtte legge meir vekt på, og nokre gonger skulle vi vere veldig glade, andre gonger skulle vi vere på gråten. Det blei mange gjentakingar før det sat. Det var jo ingen film, men vi skulle på éin måte opptre som skodespelarar. Det skulle høyrast ut som i ein film.

NDLA: Når blei høyrespelet sendt, og korleis blei det motteke?

Ingrid: Høyrespelet blei spelt på Barnetimen fire laurdagar etter kvarandre, frå klokka 18 til klokka 18.30. Barnetimen var veldig populært, og dei fleste barna lytta til det på den tida. NRK var veldig nøgde med innlesinga vår, og høyrespelet blei sendt fleire gonger, også etter at eg blei vaksen.

NDLA: Følte du at du gjennom rolla blei litt kjend med livet i Sveits og Tyskland?

Ingrid: Ja, på éin måte. Men når det er sagt, så var vi jo også frå ei lita bygd og kunne kjenne oss igjen i mykje. Vi tenkte ikkje så mykje på at handlinga gjekk føre seg i eit anna land, og at språket var tysk. Eg skulle føle at jeg var Heidi og opptre mest mogleg som om eg var ho. Og det fall naturleg for meg, ei jente frå Morgedal.

Ein Interview mit Ingrid auf Deutsch

Ei tysk eller sveitsisk barneavis intervjuar Ingrid Grasdalen. Fullfør spørsmåla reporteren stiller ho.

Bruk ein praterobot

Jobb i par. Gjennomfør intervjuet med Ingrid Grasdalen Tveita ved hjelp av ein praterobot. Bruk for eksempel NDLAs praterobot for elevar.

Gi prateroboten ein instruks

Gi prateroboten rolla som Ingrid. Lim det norske intervjuet inn i chatten og be roboten ta utgangspunkt i intervjuet. Be han svare på spørsmåla dine på enkel tysk.

Du bist Ingrid Grasdalen Tveita. Benutze das norwegische Interview als Grundlage. Antworte einfach und kurz auf meine Fragen. Hier ist das Interview:

Dokumenter prosessen undervegs

Kopier samtalen med prateroboten over i eit dokument. Pass på at de får med både dykkar eigne spørsmål og instruksar og svara prateroboten har generert.

Sjekk svara frå prateroboten

Er opplysningane rette? Minn roboten på at han er Ingrid, om han "gløymer" det. Gir han for vanskelege svar, kan de be han forenkle språket, forklare eller sette om til norsk.

Kannst du das einfacher sagen? / Kannst du erklären, was … bedeutet? / Kannst du das ins Norwegische übersetzen?

Skriv intervjuet

Skriv ned intervjuet. Tilpass språket så de lett forstår teksten. Sjekk teksten for feil.

Øv på intervjuet og framfør det

Bruk eit opplesingsverktøy (tekst-til-tale), for eksempel i Word eller OneNote. Lytt til manuset og gjenta setningane til de kan gjennomføre intervjuet med god flyt og uttale.

Bestem kven som er journalist, og kven som er Ingrid. Byt roller halvvegs i intervjuet slik at de får snakka like mykje.

Framfør intervjuet eller spel det inn som ei lydfil.

2. Interview mit "Heidi", "Peter" oder "Klara"

To unge jenter i kvite underkjolar klappar eit par geiter. Foto.

Det har gått ti år sidan Heidi-filmen hadde premiere, og barna som spelte Heidi, Peter og Klara, har blitt ungdommar. Førestill deg at du er ein av dei. Jobb saman med ein medelev, og fortel kven av ungdommane du er.

Driv litt research, og skriv ned tre til fem spørsmål du vil stille personen som medeleven har valt.
Gi kvarandre spørsmåla, og svar skriftleg på dei. Bruk gjerne hjelpemiddel.
Øv på å svare munnleg og utan manus på spørsmåla. Gjennomfør så dei to intervjua i par.

3. Unesco

Johanna Spyri og Heidi-arkivet er ein del av Unescos verdsarv. Søk og finn ut:

Kva er "Memory of the World"-registeret?
Kva er formålet med registeret?
Kva år blei Heidi-arkivet ein del av registeret?

Presenter funna dine på norsk eller tysk.