Nakke-, hovud- og ryggskadar etter fall

Nakke-, hovud- og ryggskadar etter fall

Fall kan oppstå på arbeidsplassen, spesielt ved arbeid i høgda, som i stillas, stigar eller på tak. Skadar som følge av fall kan påverke nakke, hovud, rygg og i nokre tilfelle føre til brot eller alvorlege bråstoppskadar.

Desse skadane kan variere i alvorsgrad, og dei krev rask og rett førstehjelp.

Nakkeskadar

Nakkeskadar kan vere spesielt alvorlege og bør alltid bli tekne på alvor. Symptom på nakkeskadar inkluderer

• smerter i nakken og hovudet, som kan spreie seg til armar og bein

• feilstilling av nakken (hovudet er i ein unormal vinkel)

• heil eller delvis lamming av pustesystemet

Ved mistanke om nakkeskadar er det viktig å stabilisere hovudet og nakken omgåande for å unngå ytterlegare skade på ryggrada. Sørg for at den skadde får frie luftvegar. Viss personen sluttar å puste, må du utføre hjarte- og lungeredning.

Hovudskadar

Hovudskadar kan variere frå små kutt til alvorlege skadar som påverkar hjernen. Typiske symptom på hovudskadar kan vere

• bløding i eller frå hovudet

• uro og desorientering

• pustevanskar, krampar og bleik hud

• lammingar og medvitsløyse

Det er viktig å kontrollere eventuelle blødingar òg ved mistanke om hovudskade. Blødingar frå hovudet bør stoppast med ein steril kompress eller eit reint tekstil. Unngå å bruke for mykje trykk, for det kan forverre skaden.

Ryggskadar

Ryggskadar kan føre til alvorlege komplikasjonar som lamming. Symptom på ryggskadar kan vere

• redusert eller inga rørsle i beina

• smerter i nakke og rygg som kan stråle nedover i beina

• pustevanskar som kan oppstå ved alvorlege ryggskadar

Viss du mistenker ein ryggskade, er det viktig at du ikkje flyttar den skadde med mindre det er heilt nødvendig. Legg personen i stabil liggestilling, og stabiliser nakken og ryggen. Sørg for frie luftvegar og overvak pusten.

Test deg sjølv

Svar på spørsmåla for å sjå kva du har lært.