Sirkulasjonssvikt

Sirkulasjonssvikt

Sirkulasjonssvikt oppstår når det ikkje er tilstrekkeleg blodtilførsel til viktige organ som hjarte, hjerne og nyre. Dette kan komme av store blødingar, som ved til dømes bekken- eller lårbeinsbrot, eller alvorlege brannskadar som kan føre til omfattande blodtap.

Når kroppen mister mykje blod, kan han ikkje lenger halde oppe eit normalt blodtrykk, og dermed får ikkje organa den oksygen- og næringstilførselen dei treng for å fungere.

Det følgande kan vere symptom på sirkulasjonssvik:

bleik, klam og kald hud

Blodet blir omfordelt til dei viktigaste organa, og huda mister farge og kjennest kald.

kvalme og svimmelheit

Organa får ikkje nok blod, noko som kan føre til at ein kjenner seg svimmel eller kvalm.

rask puls

Kroppen prøver å kompensere for lågt blodtrykk ved å auke pulsen.

forvirring, sløvleik, angst eller aggresjon

Lavt blodtrykk kan påverke funksjonen til hjernen, noko som kan føre til endringar i mental tilstand.

medvitsløyse eller hjartestans

Viss sirkulasjonssvikten ikkje blir behandla raskt, kan det føre til at den skadde mister medvitet eller at hjartet stoppar.

Behandling av sirkulasjonssvikt

Ved sirkulasjonssvikt er det viktig at du set i verk livreddande tiltak:

Stans blødingane

Den mest effektive behandlinga er å stoppe eventuelle blødingar. Bruk trykk på sår eller bruk trykkbandasje for å stoppe blodtapet.

Legg den skadde i sideleie

Dette hjelper til med å opne luftvegane og redusere belastninga på hjartet.

Unngå å gi drikke

Ikkje gi den skadde noko å drikke, for det kan føre til kveling eller forverre tilstanden.

Hald den skadde varm

Sørg for at den skadde held varmen for å hindre nedkjøling som kan forverre tilstanden.

Snakk med den skadde

Hald den skadde roleg og trøyst personen, for angst kan forverre sirkulasjonssvikten.

Test deg sjølv

Svar på spørsmåla for å sjå kva du har lært.