Fruktose og glukose

Glukose er eit karbohydrat og blir også kalla for druesukker. Det finst opphavleg i frukt og bær. Glukose er framstilt av maisstive og smakar mindre søtt enn sukker. Glukosen som blir brukt i konditorbransjen er flytande.

Bruksområde

Glukose blir mykje brukt i konditorbransjen for å få rett konsistens på det bestemte produktet.

Glukose gjer

• marsipanen smidig
• konfekten mjuk
• marshmallows smidige og seige
• at ulike massar, til dømes karamellar, ikkje sukrar seg

Fruktsukker er like søtt som sukker og finst naturleg i frukt, bær, grønsaker og honning. Fruktsukker blir brukt ein del i industrien fordi det er billegare enn sukker og ein kan bruke mindre mengde av det. Det finst òg små pakkar å få kjøpt for forbrukaren.

Bruksområde og eigenskapar

• Fruktsukker eignar seg godt til å bruke i kalde rettar.
• Det løyser seg lett opp i mat.

Fruktsukker er søtare enn vanleg sukker. Det kan derfor vere greitt å redusere sukkermengda i ei oppskrift dersom du bruker fruktsukker.

• 1 dl fruktsukker veg 70 gram, medan 1 dl vanleg sukker veg 90 gram.

Næringsinnhald

Fruktsukker inneheld 100 g karbohydrat per 100 g vare.

Fruktsukker gir ikkje så høg blodsukkerstiging som sukker, og mange diabetikarar vil derfor helst bruke fruktsukker. Det inneheld derimot like mange kaloriar, men har ein låg glykemisk indeks.