Plantefamiliar og grønsaksvekstar

Korsblomsterfamilien

Døme på grønsaksvekstar: blomkål, brokkoli, hovudkål, kinakål, reddik og kålrot.

• Kålvekstar har ein merg i stengelen som blir vedaktig seinare i vekstsesongen, noko som gjer stengelen treen.

• Blada har ofte eit vokslag, mest framståande hos hovudkål, som kan gi ei feittete kjensle. Sortsforskjellar påverkar graden av dette.

• Frøa er runde og svært like mellom ulike kålvekstar.

Korgplantefamilien

Døme på grønsaksvekstar: salat, artiskokk og jordskokk.

• Salatvekstar inneheld bitterstoff som gir ein karakteristisk smak. Bittersmaken blir redusert når plantene får lite lys.

• Blomsterstanden dannar ei korg, derav namnet på familien

Skjermplantefamilien

Døme på grønsaksvekstar: gulrot, selleri, knollfennikel, pastinakk, dill og kruspersille.

• Mange matplanter høyrer til denne familien, og dei fleste har låge krav til varme.

• Plantedelar som blir brukte: røter, oppsvulma bladslirer, bladstilkar, blad og frø.

• Inneheld eteriske oljer som gir kryddersmakar.

• Pastinakk, selleri og persille kan gi eksem viss plantesafta kjem på huda og blir utsett for sollys.

• Blomsterstanden blir kalla ein skjerm, og frukta er ei spaltefrukt.

Påskeliljefamilien

Døme på grønsaksvekstar: kepalauk, purre, graslauk, kvitlauk og sjalottlauk.

• Desse grønsakene vart tidlegare klassifiserte under liljefamilien, men ny genetisk forsking plasserer dei i påskeliljefamilien.

• Alle dei nemnde vekstane høyrer til laukslekta Allium.

• Dei fleste har hole bladplater, bortsett frå purre og kvitlauk, som har flate bladplater.

• Laukvekstar manglar rothår.

Amarantfamilien

Døme på grønsaksvekstar: raudbete, bladbete (mangold) og spinat.

• Desse grønsakene høyrde tidlegare til meldefamilien, som no er ein underfamilie av amarantfamilien.

• Betar, som er ei slekt innan denne familien, er rike på sukker.

Erteblomsterfamilien

Døme på grønsaksvekstar: sukkererter, mergerter og bønner.

• Grønsaksslag i denne familien er energirike og proteinrike.

• Bønner er varmekrevjande og treng høge temperaturar for spiring, mens erter har lågare temperaturkrav.

• Frukta blir kalla skolm eller belg.

• Planter i denne familien utviklar knollar på røtene med rhizobiumbakteriar, som fangar nitrogen frå lufta.