Reddik
Om reddik
Reddik blir dyrka mykje i kjøkkenhage, men det finst produsentar som produserer reddik for friskmarknaden. Månadsreddik, vinterreddik og japanreddik er nok dei mest kjende. Reddik blir ofte misdanna dersom plantene får vekstvilkår som fører til unormal strekningsvekst under og rett etter spiring. Dette kan til dømes vere djup såing og høg temperatur kombinert med lite lys. Dyrking under plast kan òg gi ei viss strekking på grunn av høg luftfukt.
Klima og dyrking
Klima
Reddik trivst best ved ein dyrkingstemperatur på 10–20 gradar. Ved temperaturar mellom 16 og 18 gradar spirer frøa raskt, vanlegvis innan 2–3 dagar.
Månadsreddik blir ofte sådd i kjøkkenhagar i mai og juni. I denne perioden er dagane lange, og temperaturane er ofte høge, noko som kan føre til at plantene raskt utviklar blomsterstengel. Ved høge temperaturar kan månadsreddik få ein svampete konsistens når knollane blir større. Mangel på vatn kan påverke smaken negativt og føre til at knollane sprekk.
Vinterreddik og japanreddik er meir kjenslevare for lange dagar og høge temperaturar, som kan føre til stokkrenning. Derfor er desse sortane best eigna for dyrking på ettersommaren, når dagane er kortare og temperaturen lågare.
Dyrking
Månadsreddik kan dyrkast i heile landet, mens vinterreddik og japanreddik er mest vanleg i Sør-Noreg.
Månadsreddik blir dyrka på senger med ein radavstand på 10–20 cm og ein maksimal sådjupne på 2 cm. Vinterreddik og japanreddik sår vi med ein radavstand på 45–60 cm. Disse sortane kan vi så frå 1. mai til 1. august, men tidleg såing aukar risikoen for stokkrenning.
Jord og gjødsling
Reddik trivst best i laus, moldhaldig jord. På hard jord som dannar skorpe, kan reddiken bli misdanna. I slike jordtypar er det viktig å vatne regelmessig for å unngå problem.
Næringsbehovet til reddik:
nitrogen: 7–8 kg/daa
fosfor: 3–4 kg/daa
kalium: 10–12 kg/daa
Hausting og lagring
Månadsreddik blir plukkhausta og selde anten i buntar eller posar. Når dei blir oppbevarte i posar, kan dei lagrast i opptil to veker ved 0 gradar.
Vinterreddik og japanreddik blir lagra best i plastfôra kasser ved 0 gradar. Under desse forholda kan vinterreddik bli oppbevart i opptil fire månader.
Vanlege skadegjerarar
Nepejordlopper og kålfluger er vanlege skadegjerarar under dyrking og kan vere utfordrande å kontrollere.
Oppgåve
Vel rette påstandar og lag eit samandrag om reddik.