Forsøk
Demoforsøk: Likevekt i ei sprøyte
Bruk ei sprøyte til å endre trykket i ei løysing, slik at løysingsevna til CO2 blir endra. Endringa i CO2-konsentrasjonen kan observerast ved bruk av indikator.
Mineralvann tilsatt indikator kan brukast til å undersøkje korleis CO2-konsentrasjonen blir påverka av trykket. Bilete: Chemix / CC0
- mineralvatn med kolsyre
- metylraudt
- sprøyte
- begerglas
- Fyll litt mineralvatn i begerglaset.
- Tilset litt metylraudt til du får tydeleg raud farge.
- Fyll sprøyta med nokre milliliter mineralvatn.
- Tett sprøytespissen med fingeren, trekk ut for å auke volumet, og rist litt. Løysinga skal no endre farge til gult. Viss du reduserer volumet og ristar litt igjen, vil du få tilbake den raude fargen.
- Restar kan tømmast ut i vasken og skyljast ned med vatn.
Morosamt partytriks, men også ein fin demonstrasjon av likevekta mellom i løysing og i lufta. Når du aukar volumet, blir trykket senka, og går ut av løysinga. Resultatet blir at pH stig, og indikatoren endrar farge.