Demoforsøk: Grøne flammar

Film som viser demoforsøket "Grøne flammar" (0:51)

Filmen er utan tale og viser effekten av forsøket under. Ein person med hanskar og labfrakk heller blå væske i ein glaskolbe der det ligg ein samankrølla bit aluminiumsfolie. Væska tek til å boble. Personen fører ei tend fyrstikke bort til opninga på kolben, og han blir omgåande fylt av eit blaff av flammar. Deretter stikk personen den tende fyrstikka ned i kolben, han brenn med ein grøn flamme.

Utstyr

• aluminiumsfolie (ca. 5 x 5 cm, krølla lett saman)

• saltsyre (HCl), ca. 5–10 % løysing (Sikkerheitsdatablad for saltsyre)

• kobbar(II)klorid (CuCl₂), ca. 1 g (Sikkerheitsdatablad for kopar(II)klorid)

• erlenmeyerkolbe

• vernebriller

• labfrakk

• brannsikkert underlag / metallbrett

• fyrstikker eller lighter

Framgangsmåte

1. Legg ein liten bit samankrølla aluminiumsfolie i ein erlenmeyerkolbe.

2. Tilset ei lita mengde koparklorid (ca. 1 g) og rør lett til det løyser seg (oppløysninga blir grøn).

3. Hell ca. 10 mL saltsyre over i erlenmeyerkolben.

4. Reaksjonen startar etter nokre sekund – det vil bli danna bobler og varme.

5. Når det begynner å bli utvikla gass, før ei tend fyrstikke nær opninga (OBS! Ikkje hald ho rett over glaset).

6. Du kan sjå ein grøn flamme – dette kjem av kopariona som blir teke opp i gassen og fargar flammen.

7. Etter forsøket: Avfall blir handtert som giftig, uorganisk kjemikalavfall. Ikkje tøm i vasken.