Her lærer du korleis transportmodular er tilpassa lasteromma i transportmidla for å sikre full utnytting av volumet i lasteromma.
For å sikre at transport- og lagerkapasiteten blir utnytta effektivt, er pallane standardiserte. Europallen er 80 x 120 cm og dimensjonert for å kunne bere ei last på 1000 kg når lasta ligg på ein gaffel, eller ei last på 4000 kg når pallen står på eit plant underlag. I praksis betyr dette at vi kan stable fire pallar med 1000 kg kvar i høgda utan at den underste pallen knekk saman.
Den største tillatne utvendige breidda ved køyring på europeiske vegar er
- 2,55 meter for køyretøy utan isolerte vegger
- 2,60 meter for køyretøy med isolerte vegger (termotransportar)
Dette legg opp til to moglege innvendige lastemønster i europeiske konteinarar.
Sjøtransportkonteinarar er tilpassa ein annan pallstandard, sidan utvendig breidd av slike konteinarar berre er 2,5 meter.
CC BY-SASkrive av Gunnar Ottesen. Rettshavarar: NKI Forlaget og Amendor AS
Sist fagleg oppdatert 01.03.2023