Meerjen nïekeds-gåetie
Daelie lïerh
soptsestidh gåetien bïjre jïh guktie årroeminie
adjektijvh nuhtjedh
kasusidie nuhtjedh jïh guarkedh
1. Lïerh baakojde
2. Goltelh jïh lohkh!
Goltelh Meerjem gosse soptsesteminie sov nïekeds-gåetien bïjre.
Mov nïekeds-gåetie
Gåessie manne geerve almetjinie sjïdtem edtjem onne båeries gåetiem åestedh voenesne. Manne båeries gåetieh lyjhkem. Manne tuhtjem dah dan tjaebpie jïh tryjjes. Orre gåetieh eah leah seamma tjaebpie. Im lyjhkh dah daaletje vuekieh guktie gåetieh bigkesuvvieh. Eah orre gåetieh dan tryjjes sjïdth goh båeries gåetieh. Muvhth orre gåetieh dovne vesties mov mïelen mietie.
Mov båeries nïekeds-gåetesne ajve stoerre tjïehtjele gusnie gaajhkem åtnam mij daerpies, kåava, tjöövke jïh ståapoe seamma tjïehtjelisnie. Men åereme-tjïehtjele tjuara sjïere destie årrodh, juktie maahtam hijvenlaakan åeredh. Sïjhtem aaj buerie vuebniem utnedh dennie stoerre tjïehtjelisnie gusnie maahtam dållem bïejedh fïerhten aereden. Manne sïjhtem gåetiem baahkedidh moerine ajve. Im sïjhth straejmiem utnedh mov gåetesne.
Gåetie-vïedtjen ålkolen edtjem göökte smaave ledtien-gåetieh bigkedh klaasen baalte. Manne tuhtjem dan tryjjes gåetesne tjahkasjidh smaave ladtetjh vuartasjidh. Mov mïelen mietie ij leah daerpies stoerre orre gåetiem utnedh.
3. Gaavnh adjektijvh
4. Barkh vielie adjektijvigujmie
Rihpesth Oahpan nedtesæjroem!
5. Soptsesth!
Guktie daate gåetie. Buerkesth!
Guktie dov nïekeds-gåetie.
6. Tjaelieh
Tjaelieh guktie dov-gïekeds-gåetie!
7. Lohkh jïh lïerh!
Kasush | Vuesiehtimmieh |
|---|---|
| Nominatijve | Daate Meerjen nïekeds-gåetie. |
| Akkusatijve | Meerje gåetiem lyjhkoe. |
| Genitijve | Gåetien tjaebpies båeries klaash. |
| Illatijve | Dïhte edtja gåatan tjaangedh. |
| Inessijve | Gåetesne buerie vuebnie. |
| Elatijve | Dïhte edtja gåeteste vaedtsedh. |
| Komitatijve | Guktie sjædta Meerjen nïekeds-gåetine, datne vïenhth? |
| Essijve | Maanah lyjhkoeh teelth gåetine utnedh. |
8. Darjoeh laavenjasside!
9. Barkh kasusigujmie!
Barkh kasusigujmie Oahpa:n gaskeviermie-sæjrosne!
Diedtieh! Oahpa Morfa-R