Mij Pïeren baatsemes?
Daelie lïerh
orre baakoeh
nyöjhkeme-verbh presensisnie jīh preteritumesne nuhtjedh
buerkiestidh
soptsesem jåarhkedh
Båasaridh – stråarkan sjïdtedh
Vuesiehtimmie-raajesh:
Gosse ih daejrieh maam darjodh, dellie maahtah båasaridh.
Maahtah båasaridh jis ih daejrieh maam darjodh.
Nyöjhkeme, presense
Nyöjhkh daah raajesh!
Darjoeh laavenjasside
Nyöjhkh daah raajesh!
Nyöjhkeme, preteritume
Nyöjhkh daah raajesh preteritumesne!
Goltelh jïh lohkh tekstem!
Pïere båasari
Daan giesien Silje Pïerem vaaran dåeriedamme. Daelie jåarhke-skuvle vihth aalkeme, Kråangkesne.
Silje skuvlen kantijnesne, goh Pïere dahkoe bööti.
– Haaj Piere! Silje Pïeren vööste roehti jïh Pïerem faerhmiesti. – Sïjhth mannem gåatan dåeriedidh? Silje gihtji. – Aehtjie tjidtjieh eepts-eereme sïjhtijægan datnem gaavnesjidh.
Ij Pïere daejrieh gan guktie edtji daehtie tsiehkeste vihth baatsedidh. Bodtetjem sån ussjedi. Pïere båasari jïh jeehti: – Nov mån sïjhtem, men....men tjoerem bovtsi luvnie. Jyön...jyönem luhpiehtamme viehkiehtidh. Pïere vööjni guktie Silje håjnan sjïdti.
– Mij dov jis faatoes? Silje tjåarvoeji. Fïerhten aejkien naemhtie, fïerhten aejkien dov lea baatsemes! Im vielie vïssjh gænnah, vuelkieh barre datne vaaran. Manne edtjem Erikem dåeriedidh....
Erik kantijnese bööti, jïh mojjehti goh Siljem vööjni. – Haaj, Erik! Silje jeehti goh kantijneste vaarri. Mejtie sån Erike gearoemisnie, Pïere ussjedi. Dïhte tjööjjijste, jïh kantijneste veedtsi.
Laavenjassh
1. Mannasinie datne vïenhth Silje håjnan sjïdti?
2. Mannasinie vïenhth Pïere tjööjjijste?
3. Mij lea Pïeren jis baatsemes?
4. Tjaelieh guktie dejgujmie sjidtieh!
Baakoe-læstoe
- baatsedidh
- bli igjen
- tsiehkie
- situasjon
- bodtetje
- liten stund
- båasaridh
- bli usikker, rådvill, forlegen
- mån
- jeg vel
- luhpiehtidh
- love
- baatsemes
- grunn til å bli
- gearoemisnie
- forelsket
- mij lea dov jis baatsemes
- hvorfor ble du igjen
- tjööjjijste (tjåejjijste)
- vondt i magen (eg. magene)