Saajve-jaevresne gööledh
Daelie lïerh
Saemien soptsesem goltelidh jïh lohkedh
guhkebem tekstem guarkedh
saajve-jaevrien bïjre åahpanidh
dïjren bïjre ussjedidh jïh soptsestidh
Goltelh soptsesem!
Saajve-jaevresne gööleminie, Ejva-Krihke Jonassen låhka
Baakoeh
- aerviedidh
- anta, forstå
- alvas
- svær
- biestedh I
- miste, slippe
- buajtehks, buajhtehke
- fet
- buektiehtidh
- klare, greie
- båarasommes
- eldst
- baajedh IV
- la, tillate; la være
- dallatjinie
- straks, med én gang
- dïeves
- full
- fiejlie
- feil
- gaedtie
- strand
- gaegniedidh
- duge; makte, klare
- gidtjh
- nemlig, sikkert
- giesedh I
- trekke, dra
- guktemes laakan
- på hvilken som helst måte
- gåaroes
- tom
- gååvnesidh
- finnes
- hajkedh IV
- springe, løpe
- haajpanidh
- forsvinne
- ikth
- én gang
- lahkaskovvedh IV
- lykkes, ha hell
- luejhtedh I
- slippe løs, slippe ut
- luhpiehtidh
- love; samtykke
- miste
- ved et uhell, uten vilje
- maajetjh
- heldigvis
- nuehtie
- not
- nööremes
- yngst
- nåhtadidh
- nytte
- ojhte
- nettopp, jo visst
- orrijidh
- slutte
- sjeavodh
- stille, tyst
- steeredh VI
- holde, holde fast
- saajve-jaevrie
- hellig sjø der underjordiske holder til
- saalehte
- fangst
- tjihtedidh
- trenge seg fram
- tjoemehtidh
- be om
- vaenie
- lite, knapt
- vaerhpiedidh
- kaste not
- viermie
- garn
- vïevtjije
- sprellende
- voejhkelidh
- prøve, ta fatt
- vååjnedh V
- synes, se ut som
- öövre
- aldeles
Lohkh soptsesem!
Saajve-jaevresne gööleminie
Ikth ligan göökte saemieh gïeh vaaran vöölkigan edtjigan nuehtine gööledh. Akte lij båeries dïhte mubpie noere. Goh dan jaevrien gåajkoe böötigan dellie eelkigan gööledh. Vaenieh guelieh åadtjoejigan, guktie latjkajigan edtjigan orrijidh jïh gåatan vuelkedh. Dle dïhte båarasommes jeehti:
– Manne jaevriem daajram gusnie leah jïjnjh guelieh, stoerre buajtehke. Dïhte gidtjh dïhte, ij desnie nåhtedh guelieh åadtjodh jis ij buektehth sjeavodh årrodh. Juktie dïhte lea saajve-jaevrie.
– Baejien dahkoe vaedtsedh, dïhte nööremes saemie jeehti.
– Nov manne maahtam sjeavodh årrodh.Nimhtie dellie dan saajve-jaevrien gåajkoe vöölkigan. Ojhte nuehtiem jaavran vaerhpiedigan jïh gaadtan geesigan. Nuehtie lij dïeves vïevtjije guelijste. Dellie dïhte nööremes ussjedi: Eah daah guelieh maehtieh olkese tjihtedidh. Eah daennie viermesne fiejlieh gååvnesh.
Jïh dellie ojhte baakoem miste lööjhti. Idtji buektehth sjeavodh årrodh. Dallatjinie lij nuehtie öövre gåaroes, idtji vielie guelie vååjnh. Dellie dïhte båarasommes saemie jeehti:
– Ij monnese daesnie nåhtedh gööledh. Aerviedim idtji datne buektehth sjeavodh årrodh.
– Baejien ikth vielie voejhkelidh, dïhte mubpie jeehti, - nov edtjem daan aejkien gaegniedidh.
Dellie vihth nuehtiem jaavran vaerhpiedigan. Jïh dellie gaadtan geesigan. Gosse nuehtiem gaadtan geaseme, dellie vööjnigan nuehtie tjaebpies guelijste dïeves. Dillie vihth ussjedi:
– Eah edtjh daelie guktemes laakan olkese luajhtasovvedh.
Jïh dam aaj jeehti. Dallatjinie lin gaajhkh guelieh haajpanamme. Idtjigan maam åadtjoeh. Dillie dïhte båeries saemie jeehti:
– Buerebe gåatan vaedtsien. Ij monnese daesnie lahkaskovvh guelieh åadtjodh, gosse ij daate mov voelpe buektehth sjeavodh årrodh.
Die dïhte nööremes ikth vielie tjoemehti jïh luhpiehti idtji edtjh satneste daelie vielie gïelem govledh.
– Aajja, jis datne sïjhth. Daelie leam lïereme!
Vihth nuehtiem jaavran vaerhpiedigan. Gaadtan aaj geesigan. Daelie lij aaj guelijste dïeves. Mahte lij baakoem biestieminie, dellie maajetjh buektiehti njaelmiem steeredh. Gosse nuehtiem gaadtan geaseme, dellie ojhte alvas saalehtem åadtjoejigan, jïh stoerre, buajtehks guelieh lin. Daelie dle båarasommes saemie jeehti:
– Dellie vuajnah. Gosse barre månnoeh limen sjeavodh, dellie jïjnjh guelieh åadtjoejimen.
Nimhtie lea saajve-jaevrine. Jis daesnie sæjhta gööledh, die tjuara sjeavodh årrodh.
Gyhtjelassh
Gïeh mah ektesne gööleminie?
Gusnie dah voestes-iereste gööligan?
Mejnie dah gööligan?
Mah guelieh voestes-iereste åadtjoejigan?
Magkerem sjïere jaevriem dïhte båarasåbpoe daajra?
Magkerh guelieh dennie jaevresne?
Guktie dåemiedidh juktie guelieh desnie åadtjodh?
Guktie voestes aejkien gåaradi goh voejhkeligan gööledh?
Guktie mubpien jïh gåalmeden aejkien gåaradi?
Magkere jaevrie lij, jïh guktie tjuara dåemiedidh juktie guelieh åadtjodh?
Mij saajve?
Saajve goh aelien faamoe såemies vaerine, baektine, jaevrine årroeminie.
Baakoeh
- saajve
- underjordisk vesen; hjelpeånd
- aelien faamoe
- underjordisk, åndelig hellig kraft
Ussjedh jïh soptsesth!
Mij soptsesen dïjre? Buerkesth!
Tjaelieh!
Tjaelieh iktedimmiem soptsesistie «Saajve-jaevresne gööleminie»!
Gaaltije
Birkeland, K. & Holm Bull, E. (2002). Staaloeh vienhtieh aske lea dålle. 25 åarjel-saemien heamturh. Cappelen.