Kva inneheld maten vår? Kva og kor mykje bør vi ete? I dette emnet får du god kunnskap om kva maten har å seie for di eiga helse, og korleis vi kan førebyggje livsstilssjukdommar ved å ta gode val og ha eit sunt og variert kosthald.

Kosthald og helse er knytte tett saman. Eit sunt og variert kosthald som er basert på kostråda frå helsestyresmaktene, vil vere med på å oppretthalde ei god helse. Du har kanskje høyrt om "fem om dagen"? Det er eitt av dei tolv kostråda vi er anbefalte å følgje for å førebyggje livsstilssjukdommar.