Korleis skal vi få selt mest mogleg til flest mogleg? Korleis får vi lojale kundar, korleis skaper vi meirsal og gjensal? Alle salsbedrifter er avhengige av å selje, og skal dei klare det, må dei planleggje bruk av seljarar og salskanalar og jobbe med kundebehandling og salsmiljø.

Ein seljar styrer salet gjennom ein systematisk prosess i fleire fasar – ein såkalla salsprosess. Dersom vi skal bli gode seljarar, må vi forstå korleis eit sal går føre seg, og yte vårt beste i kvar fase av prosessen.