Respekt for menneske, kulturar og tradisjonar er, i tillegg til sosial kompetanse, blant dei sentrale verdiane for opplæringa i helse- og oppvekstfag.

Fagarbeidarar innan helse- og oppveksttenestene møter menneske frå mange ulike kulturar, i ulike aldrar og livssituasjonar både som tenestemottakarar, pårørande og kollegaer. Når du skal samarbeide med ulike menneske, er det viktig å reflektere over korleis veremåten din blir opplevd av andre.