Det er ikkje alltid like lett å velje utdanningsprogram eller programfag. De skal no lage ein reklamefilm som gir andre elevar lyst til å velje mediefag.
Tre elevar samarbeidar om produksjonen.
Filmen skal vere på maks. eitt minutt. Målgruppa er elevar i 10.klasse som skal søke opptak til vidaregåande skule. Filmen skal ikkje innehalde tale, men ta gjerne opp bakgrunnslyd og legg på stemme og musikk i etterkant.
- Lag først eit kort manus og ein storyboard som viser dei scenene de vil ha med.
- Gjer opptak av scenene.
- Finn bakgrunnsmusikk og spill eventuelt inn ei stemme (voice-over).
- Rediger filmen i eit filmredigeringsverktøy og lagre han i eit format som kan lastast opp på nettet.
NB!
Dersom de ønskjer å publisere videoen på YouTube, må musikken vere rettigheitsklarert, og dei personane som er med i filmen, må gi samtykke til det.
CC BY-SASkrive av Ragna Marie Tørdal.
Sist fagleg oppdatert 21.11.2019