I denne oppgåva skal klassen gjennomføre ein kampanje om kropp og seksualitet. De kan jobbe saman i grupper, og læraren avgjer kor lang tid de kan bruke på kampanjen.
Vel kampanjeform
Vel kva slags kampanje de ønskjer å gjennomføre. Det kan til dømes vere
eit undervisningsopplegg for ein annan klasse på vidaregåande eller ungdomsskulen
ein informasjons- eller haldningskampanje på sosiale medium
ein posterkampanje på skulen eller i nærmiljøet
Vel tema
Avgrens kampanjen og vel dei temaa de ønskjer å fokusere på. Sjå forslag til tema og relevante lenkjer under. Vel ut tema de meiner er spesielt aktuelle og relevante for målgruppa dykkar.
Førebuing og gjennomføring
Lag ein plan for gjennomføringa av kampanjen.
Form ut kampanjematerialet slik at det treffer målgruppa.
Gjennomfør kampanjen.
Evaluering
Skriv ein rapport, eit refleksjonsnotat eller gjennomfør ei munnleg oppsummering i klassen:
Kva var dei viktigaste utfordringane de møtte undervegs?
Korleis takla de dei ulike utfordringane som dukka opp?
Kva delar av kampanjen nådde best fram til målgruppa. Kvifor?
Kva delar av kampanjen var de sjølv mest nøgd med? Kvifor?
Kva kunne de gjort annleis i utforminga av kampanjen for å nå betre fram?
Kva var det viktigaste de lærte?
Tips til gjennomføring av eit undervisningsopplegg for ungdomsskulen
Gjer informasjonen levande for elevane, til dømes ved hjelp av film, song, musikk, plakatar, kahoot og gruppeoppgåver.
La elevane stille anonyme spørsmål. Dei kan til dømes skrive lappar som dei leverer anonymt.
Ikkje gjer det kleint! Kropp og sex er naturleg, og burde vere heilt ok å snakke om.
De treng ikkje gå rundt grauten! Det er flott at tekstar og casar er direkte.
La elevane jobbe i grupper dei er trygge på.
Bruk casar og døme på ein måte som gir diskusjon på generelt grunnlag. Ingen skal tvingast til å vere med i diskusjonar.
Grensa går ved personlege erfaringar – gjer gjerne elevar bevisste på at dei kanskje ikkje skal dele alt med for mange. Det kan slå tilbake på ein negativ måte.
Bruk humor.
Ta vare på mangfaldet og snakk på ein måte som inkluderer ulike kjønnsidentitetar og seksuelle orienteringar.
Forslag til bakgrunnstoff og temaområde
Her finn de forslag til ulike tema om kropp og seksualitet med lenkjer til relevante fagartiklar og oppgåver. Oppgåvene inneheld relevante filmar og podkastar om dei ulike temaa.
1) Kva er seksualitet?
2) Tilfredsstillande seksualitet
Artikkel: Tilfredsstillande seksualitet
5) Kjønn og kjønnsmangfald
Artikkel: Kva er kjønnsmangfald?
Artikkel: Lovverk og normer om kjønn
Oppgåve: Kjønn og kjønnsidentitet
Oppgåve: Utforsk kjønnsmangfald
8) Porno
Artikkel: Korleis påverkar porno oss?
Artikkel: Korleis påverkar porno kultur og identitet?
9) Sexpress og seksuell trakassering
10) Normer og grensesetjing
Artikkel: Kjønn, seksualitet og kropp: Grensesetjing
11) Seksuelle overgrep
12) Nudes og digital blotting
Tips til nettstader
På desse nettstadene finn de meir informasjon om tema som kjønn, kropp og seksualitet:
Denne oppgåva er laga i samarbeid med lærar Helene Grotle og elevar i klasse HO2D, Helsearbeidarfag 2021/2022, ved Bodø videregående skole.