Komplementærkontrast
Komplementærkontrast blir rekna som den sterkaste kontrasten.
Større kontrastar gir meir liv. Ifølgje Itten er komplementærkontrast den sterkaste fargekontrasten. Den får du ved å bruke to fargar som står rett overfor kvarandre i fargesirkelen. Dei framhevar og forsterkar kvarandre.
![Komplementære fargepar. Illustrasjon.](https://api.ndla.no/image-api/raw/Ct3AdZgO.jpg?width=1024)
Komplementærkontrasten skapar eit brot og vekkjer merksemda. Samtidig skal du vere litt forsiktig med å bruke mange slike kontrastar, sidan det kan skape støy.
![Portrett av kvinne med raud hatt. Måleri.](https://api.ndla.no/image-api/raw/RIH7wHlb.jpg?width=1024)
Blanding av komplementære fargar
Dei komplementære fargepara gjer kvarandre meir intense. Men viss du blandar dei i maling, vil det motsette skje: To komplementære fargar gir grå eller brun. Dette skjer fordi alle primærfargane (raud, blå og gul) er til stades i fargeblandinga samtidig.
![Figur som viser at blanding av komplementære fargepar (alle tre primærfargane) gir grått og brunt. Illustrasjon.](https://api.ndla.no/image-api/raw/Z32phJEF.jpg?width=1024)
Komplementærkontrasten kan dempast
Reine komplementærfargar har eit sterkt spenningsforhold og kan bli ubehagelege å sjå på viss dei blir lagde oppå kvarandre. Du kan dempe verknaden ved å blande inn kvitt og/eller svart i fargane. Då vil fargesamansetjinga bli meir harmonisk.
![Fargeelementer som bryter med de øvrige. Illustrasjon.](https://api.ndla.no/image-api/raw/komplementar-blae-kari.png?width=1024)