Oppgåve
Lag din eigen versjon av eit portrett
Til inspirasjon: forskjellige versjonar av same portrett. Bilete: Tom Knudsen / CC BY-SA 4.0
- Last ned det ubehandla portrettet nedanfor og del det i klassen.
- Kvar elev etterbehandlar biletet og leverer inn ein ferdig tilarbeidd versjon.
- Samanlikn resultata. Dette vil gi mange eksempel på kor mykje etterbehandling har å seie for det ferdige resultatet.
- Last gjerne dei ferdige bileta opp på Instagram og tagg dei med #ndlaportrettet!
- Del, og ta samtidig ein kikk på kva andre elevar har gjort med biletet!
Klikk på biletet slik at det blir opna i full storleik. Høgreklikk og vel «Lagre». Lykke til med etterbehandlinga, og hugs å tagge biletet ditt med #ndlaportrettet på Instagram. Bilete: Tom Knudsen / CC BY 4.0
NB: Dette portrettet er rettsklarert til denne bruken. Hugs at også andre bilete du bruker i etterbehandlinga, for eksempel om du ønskjer å leggje inn ein bakgrunn, må vere tillatne å bruke på denne måten.
Tips
For å få biletet ut på Instagram frå datamaskinen din kan du for eksempel sende det som vedlegg til deg sjølv på e-post, bruke dropbox eller fysisk kople mobilen til datamaskinen og overføre biletet. Hugs å velje filformat og storleik som eignar seg for nettbruk!
Dersom du ikkje ønskjer å bruke din eigen Instagram-konto, kan klassen eller skulen gjerne lage ein felles konto der de lastar inn dei bileta de lagar.