Oppgåve
Gå på isskulen!
Sjølv om det har vore kaldt vêr lenge og isen er tjukk og sterk dei fleste stader i ein innsjø, er det stader på det same vatnet der isen er tynn. Vi må lære oss å vurdere dette sjølve!
Regulert vatn med sprokken is. Bilete: Henrik Strømstad / CC BY-NC-SA 4.0
Varsom.no er ein nettstad som hjelper oss med å vurdere risikoen. Under isskulen (varsom.no) finn du informasjon om trygg ferdsel på is. Bruk sida og lenkjene og finn svar på desse spørsmåla:
- Kor tjukk stålis bør det vere for at det skal vere trygt å gå på eit islagt vatn?
- Kva slags sikkerheitsutstyr bør vi ha med når vi går på eit islagt vatn?
- Kvifor kan det vere 50 cm tjukk is i éin ende av eit vatn og 5 cm tjukk is ein annan stad på det same vatnet?
- Kvifor knekk isen i bratte skråningar ned mot regulerte vatn?
- Kvifor blir isen på eit regulert vatn spesielt tynn i sund, ved tunnelinntak og langs land?
- Du bur i Trondheim og har lyst til å gå på skøyter. Kvar leitar du for å finne ut kvar det kan vere sterk nok is?
I eit regulert vatn
- er utløpet stengt av ei demning
- blir vatnet samla opp slik at vasstanden stig
- kan kraftselskapet sleppe ut vatn for å lage elektrisk straum
- vil isen lett knekke langs land når vasstanden søkk
- blir det sterkare vasstrøymingar enn i andre vatn. Dette kan gjere at isen smeltar frå undersida.
Fekk du lyst til å ta med deg klassen eller vener og gå skøytetur på isdekte skogsvatn? Då har turskøytegruppa til Skiforeningen nokre gode råd til deg. Her kan du lese meir: Isvett og sikkerhet (skiforeningen.no).