I mange av naturbruksyrka er det arbeidsoppgåver som blir utførte utandørs uavhengig av vêr og føre. Å kunne kle seg riktig og ta vare på tryggleiken for seg sjølv og andre er viktig for å kunne gjere ein god jobb. Mange arbeidsoppgåver krev god kunnskap om bruk av kart og GPS.

Når vi jobbar utandørs, treng vi utstyr og ferdigheiter slik at vi kan gjere ein god og sikker jobb sjølv om vêr og føre varierer. Vi har det ikkje bra på jobben om vi frys, og vi blir òg lite effektive viss vi ikkje er kledde etter vêr og føre.