Potet er ei av dei viktigaste matplantene i verda. I Noreg blir ho dyrka over heile landet, nokon dyrkar i ein pallekarm, andre har potetdyrking som leveveg. I dette emnet lærer du at du må planlegge godt, følge godt med gjennom vekstsesongen og ha ein plan for hausting og lagring for å lykkast.

For å lykkast med potetdyrking må du gjere ein innsats gjennom heile vekstsesongen. Du må prøve å unngå at ugraset tek overhand, eller at sjukdommar øydelegg potetavlinga. Mange stader er det behov for vatning, for ujamn fukt er slett ikkje bra for potetknollane.