Skal du bli bonde eller gartnar, er plantedyrking ein viktig del av jobben. Uansett om plantene skal brukast som mat, fôr eller pryd, er dei grunnleggande behova dei same. Her lærer du om vekstfaktorar, plantenæringsstoff, transport i planter og om den viktigaste prosessen i verda – fotosyntesen.

Veksten og utviklinga til plantene er i stor grad styrt av miljøet dei lever i. Vi finn planter som veks i vatn, og planter som veks i ørkenen, nokre planter kan leve i skuggen, mens andre gjerne vil ha full sol. Som plantedyrkar må du gi vekstane dine eit så godt miljø som mogleg.